Тэмүүжин хүү тууж өгүүллэгүүд
- ISBN: 978-9997-30-934-1
- Хавтас: зөөлөн
- Хэвлэгдсэн он: 2016
- Хуудас: 108
- Хэмжээ: 143х205
- Жин: 125
- Үлдэгдэл: Дууссан
1162 он хар морин жилийн хахир хатуу өвөл дуусаж хаврын урь унаж Монгол нутгийн зүүн гарын байгаль дэлхий өмсгөл зүүлтээ асааж зулзган хөхөө донгодсон зуны эхэн сарын тэргэл өдрийн үүрээр бие тулгар Өэлүн хатан нярайлж нэгэн хүү төрүүлснийг Хуагчин эмэг өлгийдөн авсан ажгуу. Хүү төрсөн тухай баярт мэдээг Есүхэй баатарт дуулгахаар Чирхай өвгөний хүү Мэнлиг хурдан морийг шилэн унаж хуй салхи мэт довтолгон одов.
Есүхэй баатар дорно талын өргөс болон ургасан өст татар иргэнийг дайлж, дайснаа дийлж дархан цолоо мандуулаад байх цагаар Их цэргийн хүрээнд нэгэн элч довтолгон ирсэн нь Мэнлиг байв. Мэнлиг Есүхэй баатрын чачирт бараалхан орж өвдөг сөгдөн байж цовоо цалгиун дуугаар "Өэлүн хатан эх намайг зарав. Таны хатнаас хүү төрсөн, эсэн мэнд байгаа" гэв. Есүхэй баатар хүүгийн үгийг сонсоод ах Нэгүн тайшид хандан "Нуган үртэй боллоо, ах минь. Их цэргийг нутгийн зүг хөдөлгөе" гэв.
